துணை நடிகையின் பிறந்த நாளை கொண்டாடிய ரஜினி: புது தகவல்

சூப்பர் ஸ்டார் ரஜினி நடித்த லிங்கா படம் நாளை வெளிவருகிறது. கடந்த 6 மாதமாக படப்பிடிப்பில் இருந்த ரஜினி முன் எப்போதையும் விட சக கலைஞர்களுடன் நெருக்கமாக பேசி மகிழ்ந்திருக்கிறார். அந்த தகவல்கள் தற்போது வந்து கொண்டிருக்கிறது. லிங்கா படத்தில் சோனாக்ஷி சின்ஹாவின் தோழியாக நடித்த ஒரு துணை நடிகையின் பிறந்த நாளை கூட கேக் வெட்டி, ஊட்டி கொண்டாடி மகிழ்ந்திருக்கிறார்.

சுசித்ரா சிவராமன் என்ற அந்த நடிகை குழந்தை நட்சத்திரமாக இருந்து நடிகையாகி இருக்கிறார். ஆதி படத்தில் விஜய்யின் தங்கையாக அறிமுகமாகி அய்யனார், வேட்டைக்காரன், ஆதவன் உள்பட 15 படங்களில் நடித்துள்ளார். தற்போது லிங்காவில் சோனாக்ஷி சின்ஹாவின் தோழியாக நடித்திருக்கிறார். படப்பிடிப்பின் போது அவரது பிறந்த நாள் பற்றி கேள்விப்பட்டு அவரை அழைத்து எல்லோர் முன்னிலையிலும் கேக் வெட்டி அதனை அவருக்கு ஊட்டி ஆசீர்வத்திருக்கிறார் ரஜினி. அதை தன் வாழ்நாள் பாக்கியமாக கருதி மகிழ்ந்து கொண்டிருக்கிறார் சுசித்ரா சிவராமன்.